ಬೆಂಗಳೂರು,ಅ.18 : ವಿರಾಟ್ ಕೊಹ್ಲಿ ಈ ಪಂದ್ಯದಲ್ಲಿ 221 ನೇ ಬಾರಿಗೆ 50 + ರನ್ ದಾಖಲಿಸಿದರು. ಅದೇ ಸಮಯದಲ್ಲಿ, ಟೆಸ್ಟ್ ಕ್ರಿಕೆಟ್‌ನಲ್ಲಿ 9 ಸಾವಿರ ರನ್ ಸಹ ಪೂರೈಸಿದರು.
ಈ ಮೂಲಕ ಭಾರತ ಪರ ಈ ಸಾಧನೆ ಮಾಡಿದ ನಾಲ್ಕನೇ ಬ್ಯಾಟ್ಸ್‌ಮನ್ ಎನಿಸಿಕೊಂಡರು.
ಒಂದೇ ದಿನ 453 ರನ್, ದಾಖಲೆ ಬರೆದ ಚಿನ್ನಸ್ವಾಮಿ ಕ್ರೀಡಾಂಗಣ
ಭಾರತ ಮತ್ತು ನ್ಯೂಜಿಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯ ಮೊದಲ ದಿನ ಮಳೆಯಿಂದಾಗಿ ಸುದ್ದಿಯಾದರೆ, 3 ನೇ ದಿನ ರನ್‌ಗಳ ಸುರಿಮಳೆಯಿಂದ ಸುದ್ದಿಗೆ ಗ್ರಾಸವಾಗಿದೆ. ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ 3 ನೇ ದಿನ ಕ್ರಿಕೆಟ್ ಇತಿಹಾಸದಲ್ಲಿ ದಾಖಲೆಯ ರನ್ ಗಳು ಹರಿದು ಬಂದಿದೆ.
ನಿನ್ನೆ 2 ನೇ ದಿನದಾಟದ ಅಂತ್ಯಕ್ಕೆ 180 ರನ್ ಗಳಿಸಿದ್ದ ನ್ಯೂಜಿಲೆಂಡ್ ಇಂದು 222 ರನ್ ಸೇರಿಸಿತು. ಅಂತೆಯೇ ಭಾರತ ಕೂಡ ಶುಕ್ರವಾರ ತನ್ನ 2 ನೇ ಇನ್ನಿಂಗ್ಸ್‌ನಲ್ಲಿ 231 ರನ್ ಕಲೆಹಾಕಿತು.
ಆ ಮೂಲಕ ಇಂದು ಒಂದೇ ದಿನ ಉಭಯ ತಂಡಗಳಿಂದ ಬರೊಬ್ಬರಿ 453 ರನ್ ಗಳು ಹರಿದು ಬಂದಿದೆ.
